Әй өмит күгемдәге ай, ник йөзең күрсәтмисең?

Яшеренәсең һәрвакыт - ник нурларың тибрәтмисең?!

Бер генә ач йөзләреңне, ялтрат тормыш юдым,

Кил, чыгар золмәтле төннән, суз мөкатдәс, ак кулың.

Кил, канатландыр минем җансыз күңелне - очсын ул;

бер илаһи нурга чумсын, күктә уйнап көлсен ул.

Яшеренеп торма әле, тиз кил, иреш, алдымга бас!

Үтмәсен форсатлы чаклар, узмасын бу назлы "яз".